OK
Wann heit ebbas paßt
net zwickt und net wackelt
wann’d Sunn so schen scheint
wann’s net blitzt und net hagelt
wann oana guat ausschaut,
hot an lässigen Schmäh
dann sog’n die moderna Leit
des is OK
Jetzt hab i hoit nachdenkt
was kunntat des sein
is des a Geheimsproch
owa do wieda net
weu es is net geheim
wann’s a jeda vasteht
Ma sois a net umdrahn
weu dann hoaßt’s KO
und des is nix guats
des woas i a so.
I hab g’scheite Leut g’frogt
weu i ‘s net vasteh
owa de ham ma gsogt
des is scho OK.